Svake godine ne uvik na isti dan, ali uvik na 7 miseca svibnja u Splitu je fijera, proslava gradskog zaštitnika Svetog Duje. Spliska fijera, oliti sajam ni sajam ni dernek, ven najprostije: “Sveti Duje” ili još najboje “Sudamja”.

Ovi dan u Splitu, za nas Splićane, je nikako i arja i sunce, i nebo i jugo, i sve ka drugovačije, sve nikako ka lipje, učini deboto uvik lipo vrime, pače kalkulan je ka prvi dan lita.

Ko je pravi Splićanin pa bija nervožast ka ne znan ča, ne udi mu ništa, ven se šeta cili dan i điraje po gradu s rive na pjacu i pazar a uvik dobre voje.